സീരി എയിൽ ഇന്റർ മിലാൻ കിരീടത്തോടെ അടുക്കുന്നു. ഇന്നകെ ജെനോവയെ കൂടെ പരാജയപ്പെടുത്തിയതോടെ അവരുടെ ഒന്നാം സ്ഥാനത്തെ ലീഡ് 15 പോയിന്റ് ആയി ഉയർന്നു. ജെനോവയെ ഒന്നിനെതിരെ രണ്ട് ഗോളുകൾക്ക് ആണ് ഇന്റർ മിലാൻ പരാജയപ്പെടുത്തിയത്.
30ആം മിനുട്ടിൽ അസ്ലനിയും 38ആം മിനുട്ടിൽ ഒരു പെനാൾട്ടിയിലൂടെ സാഞ്ചസും ഇന്റർ മിലാനായി ഗോൾ നേടി. 54ആം മിനുട്ടിൽ വാസ്കസ് ആണ് ജെനോവയുടെ ഗോൾ നേടിയത്.
ഈ വിജയത്തോടെ ഇന്റർ മിലാന് 27 മത്സരങ്ങളിൽ നിന്ന് 72 പോയിന്റ് ആയി. രണ്ടാമതുള്ള യുവന്റസിന് 27 മത്സരങ്ങളിൽ നിന്ന് 57 പോയിന്റ് മാത്രമെ ഉള്ളൂ. ഇനി ശേഷിക്കുന്ന 11 മത്സരങ്ങളിൽ 6 എണ്ണം വിജയിച്ചാൽ തന്നെ ഇന്റർ മിലാന് കിരീടം ഉറപ്പാകും.