റെനാറ്റോ ഡാൾആറ സ്റ്റേഡിയത്തിൽ ഇന്റർ മിലാൻ ബൊലോഗ്നയോട് 1-0ന് അമ്പരപ്പിക്കുന്ന തോൽവി ഏറ്റുവാങ്ങിയതോടെ സീരി എ കിരീടം നാപോളിയിലേക്ക് തന്നെ അടുക്കുമെന്ന് ഏതാണ്ട് തീരുമാനം ആയി. ഇന്ന് ഇന്റർ മിലാൻ തങ്ങളുടെ താരനിബിഡമായ ആക്രമണ നിരയുമായി ഇറങ്ങിയിട്ടും കളിയിൽ ആധിപത്യം സ്ഥാപിക്കാൻ കഴിഞ്ഞില്ല.
ഇന്ററിന്റെ മങ്ങിയ പ്രകടനം മുതലെടുത്ത ബൊലോഗ്ന 76-ാം മിനിറ്റിൽ ജെർഡി ഷൗട്ടന്റെ അസിസ്റ്റിൽ നിന്ന് റിക്കാർഡോ ഒർസോളിനി ഗോൾ നേടിയതോടെ ലീഡ് എടുത്തു. ഈ ഗോൾ മതി ആയിരുന്നു അവർക്ക് വിജയം ഉറപ്പിക്കാൻ. ഈ തോൽവിയോടെ, 24 മത്സരങ്ങളിൽ നിന്ന് 47 പോയിന്റുമായി ഇന്റർ മിലാൻ സീരി എ പട്ടികയിൽ രണ്ടാം സ്ഥാനത്ത് നിൽക്കുകയാണ്. ഒന്നാമതുള്ള നാപോളിയെക്കാൾ 18 പോയിന്റ് പിറകിലാണ് ഇന്റർ ഉള്ളത്. മറുവശത്ത്, ബൊലോഗ്ന 35 പോയിന്റുമായി ഏഴാം സ്ഥാനത്തേക്ക് കയറി.