സീരി എയിൽ ഇന്റർ മിലാൻ വിജയം തുടരുന്നു. അവർ ഇന്നലെ സാലർനിറ്റനയെ നേരിട്ട ഇന്റർ മിലാൻ മറുപടിയില്ലാത്ത നാലു ഗോളുകൾക്ക് ആണ് വിജയിച്ചത്. ആദ്യ പകുതിയിൽ തന്നെ ഇന്റർ മിലാൻ മൂന്ന് ഗോളുകൾ നേടിയിരുന്നു. 17ആം മിനുട്ടിൽ തുറാം ആണ് ഇന്ററിന് ലീഡ് നൽകിയത്. 19ആം മിനുട്ടിൽ ലൗട്ടാരോ മാർട്ടിനസിന്റെ ഫിനിഷ് അവരുടെ ലീഡ് ഇരട്ടിയാക്കി.
നാൽപ്പതാം മിനുട്ടിൽ ഡംഫ്രൈസിലൂടെ ഇന്റർ മിലാൻ മൂന്നാം ഗോളും നേടി. സ്കോർ 3-0. കളിയുടെ അവസാനം അർനാറ്റോവിച് കൂടെ ഗോൾ നേടിയതോടെ ഇന്റർ മിലാന്റെ വിജയം പൂർത്തിയായി. 24 മത്സരങ്ങളിൽ നിന്ന് 63 പോയിന്റുമായി ഇന്റർ മിലാൻ ലീഗിൽ ഒന്നാമത് നിൽക്കുകയാണ്. രണ്ടാമതുള്ള യുവന്റസിനേക്കാൾ 10 പോയിന്റ് മുകളിലാണ് ഇന്റർ മിലാൻ ഉള്ളത്.