പിയോളിക്ക് പകരം പുതിയ പരിശീലകനായുള്ള അ സി മിലാന്റെ അന്വേഷണം ഫൊൻസെകയിൽ എത്തി. പോളോ ഫൊൻസെകയുടെ നിയമനം മിലാൻ ഇന്ന് പ്രഖ്യാപിച്ചു. ലില്ലെയുടെ പരിശീലകനായിരുന്നു അവസാന രണ്ട് വർഷമായി ഫൊൻസെക. 3 വർഷത്തെ കരാറിൽ ആണ് ഫൊൻസെക എ സി മിലാനിൽ എത്തുന്നത്.
മുൻ റോമ പരിശീലകനായ ഫോൻസെകയ്ക്ക് ഇറ്റലിയിൽ പ്രവർത്തിച്ച് മുൻ പരിചയം ഉണ്ട്. ഉക്രൈൻ ക്ലബായ ശക്തറിന്റെയും പരിശീലകനായി പ്രവർത്തിച്ചിട്ടുണ്ട്. മുമ്പ് പോർട്ടോ, ബ്രാഗ തുടങ്ങിയ ക്ലബുകളുടെയും പരിശീലകനായിട്ടുണ്ട്.