ഇന്നലെ യുവന്റസിന് എതിരായ മത്സരത്തിൽ ഇബ്രഹിമോവിചിന് പരിക്കേറ്റത് വലിയ ആശങ്ക ഫുട്ബോൾ ആരാധകരിൽ ഉണ്ടാക്കിയിരുന്നു. മുട്ടിന് പരിക്കേറ്റ ഇബ്ര ഉടൻ തന്നെ കളം വിട്ടിരുന്നു. എന്നാൽ ഇബ്രഹിമോവിചിന്റെ പരിക്ക് സാരമുള്ളതല്ല എന്നാണ് റിപ്പോർട്ടുകൾ. ഇബ്രാഹിമോവിച് ഇനി ഈ സീസണിൽ എ സി മിലാനായി കളിക്കുമോ എന്നത് പക്ഷെ സംശയമാണ്. ടൊറിനോയ്ക്കും കലിയരിക്കും എതിരായ മത്സരങ്ങൾ എന്തായാലും ഇബ്രയ്ക്ക് നഷ്ടമാകും. എ സി മിലാൻ ഇബ്രഹിമോവിച് ഇല്ലാതെ തന്നെ ചാമ്പ്യൻസ് ലീഗ് യോഗ്യത നേടാമെന്ന വിശ്വാസത്തിലാണ്.
ഇബ്രാഹിമോവിച് ഈ സീസണിൽ പലപ്പോഴായി പരിക്ക് കാരണം പുറത്തിരുന്നിട്ടുണ്ട്. എങ്ങനെ ആയാലും ഇബ്രഹിമോവിച് സ്വീഡനൊപ്പം യൂറോ കപ്പ് കളിക്കാൻ ഉണ്ടാകു. പരിക്ക് രണ്ടാഴ്ചയിൽ കൂടുതൽ ഇബ്രയെ പുറത്തിരുത്തില്ല.
Download the Fanport app now!
