ഇറ്റാലിയൻ ഗോൾകീപ്പർ ഡൊന്നരുമയ്ക്ക് പരിക്ക്. 2020ൽ നടക്കുന്ന യൂറോ കപ്പിന്റെ യോഗ്യതാ മത്സരങ്ങൾ ഇതോടുകൂടി താരത്തിന് നഷ്ടമാകുമെന്നുറപ്പായി. സീരി എയിലെ അവസാന മത്സരത്തിൽ 21 ആം മിനുട്ടിൽ താരം കളം വിട്ടിരുന്നു. മിലാൻ 3-2 നും സ്പാലിനോട് ജയിച്ചെങ്കിലും ഗോൾ കീപ്പറായ ഡൊന്നരുമയുടെ പരിക്ക് അവർക്കും തിരിച്ചടിയായി.
ഡൊന്നരുമയ്ക്ക് വലത് തുടയിൽ പരിക്കേറ്റെന്നും വിശ്രമം ആവശ്യമാണെന്നും മിലാൻ തങ്ങളുടെ വെബ്സൈറ്റിൽ കുറിച്ചു. ജൂണിലാണ് യൂറോ യോഗ്യതാ മത്സരങ്ങൾ നടക്കുക. ഗ്രീസും ബോസ്നിയയുമാണ് ഇറ്റലിയുടെ എതിരാളികൾ.
