ഇറ്റാലിയൻ ക്ലബായ എ.എസ് റോമയിൽ മറ്റൊരു നാഴികക്കല്ല് പിന്നിട്ടിരിക്കുകയാണ് ഡാനിയേൽ ഡി റോസ്സി. സീരി എ യിൽ ഇന്ന് നടന്ന ഫ്രോസിനോണിനോടെതിരായ മത്സരം ഡി റോസ്സി ക്യാപ്റ്റനായുള്ള 200 ആം മത്സരമായിരുന്നു. ഇരുന്നൂറാം മത്സരത്തിൽ ടീമിനെ ജയത്തിലേക്ക് നയിക്കാൻ ഡി റോസ്സിക്ക് സാധിച്ചു. എഡിൻ ജക്കോയുടെ ഇഞ്ചുറി ടൈം ഗോളിൽ ഫ്രോസിനോണിനെ റോമാ പരാജയപ്പെടുത്തി.
2006 ൽ യുവേഫ കപ്പിൽ പരിക്കേറ്റ ഫ്രാൻസിസ്കോ ടോട്ടിക്ക് പകരക്കാരനായിട്ടായിരുന്നു റോമയ്ക്ക് വേണ്ടിയുള്ള ഡി റോസിയുടെ ആദ്യ മത്സരം. 35 കാരനായ വെറ്ററൻ മിഡ്ഫീൽഡർ റോമയ്ക്ക് വേണ്ടി 610th മത്സരങ്ങൾ കളിച്ചിട്ടുണ്ട്. റോമയ്ക്കായി 61 ഗോളുകൾ നേടിയ ഡി റോസ്സി 54 അസിസ്റ്റുകളും കൊടുത്തിട്ടുണ്ട്.