താൻ യുവന്റസിൽ സന്തോഷവാനല്ല എന്ന് ജർമ്മൻ മിഡ്ഫീൽഡർ എമിറെ ചാൻ. യുവന്റസിൽ ഈ സീസണിൽ അവസരങ്ങൾ ഒന്നും കിട്ടാതെ കഷ്ടപ്പെടുകയാണ് ചാൻ. താൻ എപ്പോഴും വലുത് ആഗ്രഹിക്കുന്ന ആളാണ്. ഫുട്ബോളിന്റെ ഏറ്റവും വലിയ തലത്തിൽ തന്നെ താൻ മത്സരിക്കണമെന്നും താൻ ആഗ്രഹിക്കുന്നു. അതുകൊണ്ട് തന്നെ ഇപ്പോൾ ഞാൻ സന്തോഷവാനല്ല ചാൻ പറഞ്ഞു.
ഈ സീസണിൽ ഇതുവരെ ഒരു മത്സരത്തിൽ പോലും ആദ്യ ഇലവനിൽ എത്തിയില്ല. പിന്നെ എങ്ങനെ സന്തോഷിക്കും. ചാൻ ചോദിക്കുന്നു. ഈ വിഷമഘട്ടത്തെ നല്ല രീതിയിൽ നേരിടുകയാണെന്നും കഠിന പരിശ്രമം നടത്തികൊണ്ടിരിക്കുകയാണെന്നും ചാൻ പറഞ്ഞു. അധികം താമസിയാതെ അവസരം തന്നെ തേടിയെത്തുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു. ജർമ്മൻ ലീഗിലേക്ക് പോകുമോ എന്ന ചോദ്യത്തിന് ഫുട്ബോളിൽ എന്തും സംഭവിക്കാം എന്നും ചാൻ മറുപടി പറഞ്ഞു.