സീരി എയിൽ ടോപ്പ് സ്‌കോറർ 36 കാരനായ ഫാബിയോ ക്വഗ്ലിയരെല്ലയാണ്. യുവന്റസിന്റെ സൂപ്പർ താരത്തിനെ മുൻപേ മറികടന്ന സാംപ്‌ടോറിയയുടെ ക്വഗ്ലിയരെല്ല 21 ഗോളുകളാണ് അടിച്ചു കൂട്ടിയത്. സാംപ്‌ടോറിയയുടെ സാസുവോളയ്‌ക്കെതിരായ മത്സരത്തിലും ഗോളടിക്കാൻ താരത്തിന് സാധിച്ചു. 5-3 ന്റെ ജയമാണ് സാസുവോളയ്‌ക്കെതിരെ സംപ്റ്റോറിയ നേടിയത്.
21 ഗോളുകൾക്ക് പുറമെ ഏഴു ഗോളുകൾക്ക് വഴിയരുക്കുകയും ചെയ്തിട്ടുണ്ട് വെറ്ററൻ താരം. അതെ സമയം യുവന്റസിന്റെ ക്രിസ്റ്റിയാനോ റൊണാൾഡോ ലീഗിൽ 19 ഗോളുകൾ നേടുകയും 8 ഗോളുകൾക്ക് വഴിയൊരുക്കുകയും ചെയ്തിട്ടുണ്ട്. ഇറ്റലിയിൽ ടോപ്പ് സ്കോറർക്കായിട്ടുള്ള മത്സരം കനക്കും എന്നുറപ്പാണ്. മിലാന്റെ പോളിഷ് താരം ക്രിസ്റ്റോഫ് പിയാട്ടേകും ഈ പട്ടികയിൽ ഉണ്ട്.
