ദേശീയ സീനിയർ വനിതാ ഫുട്ബോൾ ചാമ്പ്യൻഷിപ്പിൽ കേരളത്തിന് മറ്റൊരു വലിയ വിജയം കൂടെ. ഇന്ന് ഉത്തരാഖണ്ഡിനെ നേരിട്ട കേരളം 6-2ന്റെ വിജയം സ്വന്തമാക്കി. കേരളത്തിനായി രേഷ്മ ഇന്ന് ഹാട്രിക്ക് നേടി. 40, 84, 86 മിനുട്ടുകളിൽ ആയിരുന്നു രേഷ്മയുടെ ഹാട്രിക്ക്. ഫെമിന രാജ്, സിവിശ, മാളവിക എന്നിവരും ഇന്ന് കേരളത്തിനായി ഗോളുകൾ നേടി.
ആദ്യ മത്സരത്തിൽ കേരളം പോണ്ടിച്ചേരിയെയും പരാജയപ്പെടുത്തിയിരുന്നു. ഇനി ഏപ്രിൽ 2ന് കേരളം മഹാരാഷ്ട്രയെ നേരിടും.