കോട്ടപ്പടി സ്റ്റേഡിയത്തിൽ നടക്കുന്ന സംസ്ഥാന സീനിയർ ഫുട്ബോളിൽ കണ്ണൂർ ഫൈനലിലേക്ക് പ്രവേശിച്ചു. ഇന്ന് ഇടുക്കിയെ നേരിട്ട കണ്ണൂർ ഏകപക്ഷീയമായ വിജയമാണ് നേടിയത്. എതിരില്ലാത്ത നാലു ഗോളുകൾക്ക് ആണ് കണ്ണൂർ വിജയിച്ചത്. കണ്ണൂരിനു വേണ്ടി മുഹമ്മദ് സഫാദും കൃഷ്ണരാജും ഇരട്ട ഗോളുകൾ നേടി. 17, 86 മിനുട്ടുകളിൽ ആയിരുന്നു സഫാദിന്റെ ഗോളുകൾ. 44,45 മിനുട്ടുകളിൽ ആയിരുന്നു കൃഷ്ണരാജിന്റെ ഗോളുകൾ.
നാളെ നടക്കുന്ന രണ്ടാം സെമി ഫൈനലിൽ മലപ്പുറം തൃശ്ശൂരിനെ നേരിടും.
