പെനാൾട്ടി ഷൂട്ടൗട്ടിൽ തിരുവനന്തപുരത്തെ തൃശ്ശൂർ വീഴ്ത്തി

സംസ്ഥാന സീനിയർ ഫുട്ബോൾ ചാമ്പ്യൻഷിപ്പിൽ തൃശ്ശൂർ ക്വാർട്ടർ ഫൈനലിൽ. ഇന്ന് വൈകിട്ട് മഹാരാജാസ് കോളേജ് ഗ്രൗണ്ടിൽ നടന്ന മത്സരത്തിൽ തിരുവനന്തപുരത്തെ ആണ് തൃശ്ശൂർ തോൽപ്പിച്ചത്. പെനാൾട്ടി ഷൂട്ടൗട്ടിൽ ആയിരുന്നു തൃശ്ശൂരിന്റെ വിജയം. നിശ്ചിത സമയത്ത് 2-2 എന്നായിരുന്നു സ്കോർ. തിരുവനന്തപുരത്തിനായി എൽദോസ് ജോർജ്ജും ലിജോ ഗിൽബേർടും ആണ് ഗോളുകൾ നേടിയത്. തൃശ്ശൂരിനായി ബിബിനും ഗോൾ നേടി. മത്സരത്തിന്റെ 88ആം മിനുട്ടിലെ സെൽഫ് ഗോളാണ് തൃശ്ശൂരിന് സമനില നൽകിയത്. കളി പെനാൾട്ടി ഷൂട്ടൗട്ടിൽ എത്തിയപ്പോൾ 5-4ന് തൃശ്ശൂർ വിജയിക്കുക ആയിരുന്നു‌. ഇനി അവർ ക്വാർട്ടറിൽ കണ്ണൂരിനെ നേരിടും.