യൂറോ കപ്പ് യോഗ്യത റൗണ്ടിൽ സ്പെയിന് നിർണായ വിജയം. അവർ സ്കോട്ട്ലൻഡിനെ തോൽപ്പിച്ചു. മാർച്ചിൽ ഹാംപ്ഡൻ പാർക്കിൽ സ്കോട്ട്ലൻഡുകാർ സ്പെയിനിനെ 2-0ന് സ്കോട്ട്ലൻഡ് ഞെട്ടിച്ചിരുന്നു. അതേ സ്കോറിനാണ് സ്കോട്ട്ലൻഡിനെ സ്പെയിൻ ഇന്നലെ തോൽപ്പിച്ചത്. സ്വന്തം രാജ്യത്ത് ആയിരുന്നിട്ടും സ്പെയിൻ പ്രതീക്ഷിച്ചത് പോലെ എളുപ്പമായിരുന്നില്ല മത്സരം. 73 മിനുട്ട് വരെ കളി ഗോൾ രഹിതമായിരുന്നു.
.
സ്റ്റാർ സ്ട്രൈക്കറും ടീം ക്യാപ്റ്റനുമായ അൽവാരോ മൊറാട്ടയിലൂടെ ആണ് സ്പെയിൻ 73ആം മിനുട്ടിൽ സമനില തകർത്തത്. പകരക്കാരനായി എത്തിയ ഒയ്ഹാൻ സാൻസെറ്റ് നാല് മിനിറ്റ് മാത്രം ബാക്കിയുള്ളപ്പോൾ രണ്ടാം ഗോൾ കൂടെ നേടി സ്പെയിനിന്റെ വിജയം ഉറപ്പിച്ചു.
ഇപ്പോഴും സ്കോട്ട്ലൻഡ് തന്നെയാണ് ഗ്രൂപ്പിൽ ഒന്നാമത്. അവർക്ക് 15 പോയിന്റ് ഉണ്ട്. സ്പെയിൻ 12 പോയിന്റിൽ നിൽക്കുന്നു.