കോഴിക്കോട് ഇഎംഎസ് കോർപറേഷൻ സ്റ്റേഡിയത്തിൽ വെച്ച് നടക്കുന്ന എഴുപത്തിയാറാമത് സന്തോഷ് ട്രോഫിയിൽ ഗ്രൂപ്പ് രണ്ടിലെ പതിനൊന്നാം മത്സരത്തിൽ മിസോറം രാജസ്ഥാനെ എതിരില്ലാത്ത നാലു ഗോളുകൾക്ക് തോൽപ്പിച്ചു. അൻപത്തിയൊൻപതാം മിനിറ്റിൽ ജഴ്സി നമ്പർ 11 ലാൽറോ കിമ ആദ്യ ഗോളും എഴുപത്തിയെഴാം മിനിറ്റിൽ ജഴ്സി നമ്പർ 17 ലാൽബിയാക് ദിക രണ്ടാം ഗോളും നേടി.
എൺപത്തിയഞ്ചാം മിനിറ്റിൽ ജഴ്സി നമ്പർ 13 ലാൽഹുൻമാവിയ മൂന്നാം ഗോളും കളിയുടെ അധിക സമയത്ത് ജഴ്സി നമ്പർ 17 ലാൽബിയാക് ദിക തൻ്റെ രണ്ടാം ഗോളും ടീമിൻ്റെ അവസാന ഗോളും നേടി. ഈ വിജയത്തോടെ മിസോറാം 12 പോയിന്റുമായി ഗ്രൂപ്പിൽ ഒന്നാമത് എത്തി. ഒരു മത്സരം കുറവ് കളിച്ച കേരളം 9 പോയിന്റുമായി രണ്ടാം സ്ഥാനത്ത് നിൽക്കുന്നു.