സന്തോഷ് ട്രോഫി യോഗ്യതാ റൗണ്ടിനായുള്ള ത്രിപുര ടീമിൽ കേരളത്തിൽ നിന്നുള്ള രണ്ട് താരങ്ങൾ ഇടംനേടി. മലപ്പുറം സ്വദേശികളായ റുനു, ഫസലു എന്നിവരാണ് ത്രിപുര സംസ്ഥാന ടീമിൽ എത്തിയിരിക്കുന്നത്. ഇരുവരും അവസാന കുറച്ചു കാലമായ ത്രിപുര ലീഗിൽ ആയിരുന്നു കളിക്കുന്നത്. ത്രിപുര ലീഗ് ടീമായ അഖേയ ചലോ സംഘ എഫ് സിക്കായി ഇരുവരും നടത്തിയ പ്രകടനമാണ് ഇരുവരെയും തിരഞ്ഞെടുക്കാൻ കാരണം.
റുനു മുമ്പ് എം ഇ എസ് കോളേജ് വളാഞ്ചേരിയുടെ താരമായിരുന്നു. മലപ്പുറം താനൂർ സ്വദേശിയായ ഫസലു മുമ്പ് ഓസോണിലും സാറ്റ് തിരൂരിനു വേണ്ടിയും കളിച്ചിട്ടുണ്ട്. കഴിഞ്ഞ കെ പി എല്ലിൽ മൂന്ന് ഗോളുകളും മൂന്ന് അസിസ്റ്റും സാറ്റിനായി ഫസലു നേടിയിരുന്നു.