സന്തോഷ് ട്രോഫി; ആതിഥേയരെ തകർത്ത് മഹാരാഷ്ട്ര

സന്തോഷ് ട്രോഫി ഫൈനൽ റൗണ്ടിൽ മഹാരാഷ്ട്രയ്ക്ക് ആവേശകരമായ വിജയം . ഇന്ന് വൈകിട്ട് നടന്ന ഗ്രൂപ്പ് ബി പോരാട്ടത്തിൽ ആതിഥേയരായ പഞ്ചാബിനെ ആണ് മഹാരാഷ്ട്ര പരാജയപ്പെടുത്തിയത്. ഒന്നിനെതിരെ രണ്ടു ഗോളുകൾക്കായിരുന്നു മഹാരാഷ്ട്രയുടെ വിജയം. തുടക്കത്തിൽ സുഖ്പ്രീത് സിംഗ് നേടിയ ഒരു ഗോളിന് പഞ്ചാബ് മുന്നിൽ എത്തിയതായിരുന്നു. എന്നാൽ രണ്ടാം പകുതിയിൽ തിരിച്ചടിച്ച് ഇഞ്ച്വറി ടൈമിൽ വിജയം കണ്ടെത്താൻ മഹാരാഷ്ട്രക്കായി. ആരിഫ് ഷെയ്ക്കാണ് 74ആം മിനുട്ടിലും 92ആം മിനുട്ടിലും മഹാരാഷ്ട്രയ്ക്ക് വേണ്ടി ഗോൾ നേടിയത്. കഴിഞ്ഞ മത്സരത്തിൽ ആസാമിനെതിരെയും ആരിഫ് ഇരട്ട ഗോളുകൾ നേടിയിരുന്നു .