ഇംഗ്ലീഷ് യുവതാരം സാഞ്ചോ ഭാവിയിൽ ബാലൻ ഡി ഓർ നേടും എന്ന് മുൻ മാഞ്ചസ്റ്റർ യുണൈറ്റഡ് താരം ഓവർ ഹാർഗ്രീവ്സ്. സാഞ്ചോയെ മാഞ്ചസ്റ്റർ യുണൈറ്റഡ് സ്വന്തമാക്കണം എന്നാണ് താൻ ആഗ്രഹിക്കുന്നത്. സാഞ്ചോയെ സ്വന്തമാക്കാൻ ഒരുപാട് പണം നൽകേണ്ടി വരുമെന്നത് സത്യം തന്നെ. പക്ഷെ ആ പണം നൽകിയാലും സാഞ്ചോ അടുത്ത ദശകം മൊത്തം യുണൈറ്റഡിന്റെ പ്രധാന താരമായിരിക്കും. ഹാർഗ്രീവ്സ് പറയുന്നു.
തീർച്ചയായും സാഞ്ചോയ്ക്ക് ബാലൻ ഡി ഓർ നേടാൻ ഉള്ള ഭാവി ഉണ്ട് എന്നും ഹാർഗ്രീവ്സ് പറഞ്ഞു. ഈ ചെറുപ്പത്തിൽ തന്നെ സാഞ്ചോ ജർമ്മനിയിൽ കാഴ്ചവെക്കുന്ന പ്രകടനം അത്ഭുതമാണെന്നും ഹാർഗ്രീവ്സ് പറഞ്ഞു. ഡോർട്മുണ്ട് താരമായ സാഞ്ചോയെ സ്വന്തമാക്കാൻ വേണ്ടി മാഞ്ചസ്റ്റർ യുണൈറ്റഡ്, ചെൽസി എന്നിവരൊക്കെ രംഗത്തുണ്ട്.