സഹൽ അബ്ദുൽ സമദിന് ഇന്ത്യയുടെ അടുത്ത മത്സരവും നഷ്ടമാകും. സഹലിനേറ്റ പരിക്ക് താരത്തെ രണ്ട് ആഴ്ചയോളം പുറത്തിരുത്തും എന്നാണ് ഇപ്പോൾ വരുന്ന റിപ്പോർട്ടുകൾ. ഫിഫ ലോകകപ്പ് 2026 യോഗ്യതാ റൗണ്ട് 2 പോരാട്ടത്തിൽ അഫ്ഗാനിസ്താനെ ഇന്നലെ ഇന്ത്യ നേരിട്ടപ്പോൾ സഹൽ ഒപ്പം ഉണ്ടായിരുന്നില്ല.
ഹാംസ്ട്രിങ് ഇഞ്ച്വറിയേറ്റ സഹൽ ഇന്ത്യൻ ടീമിനൊപ്പം സൗദിയിലേക്ക് യാത്ര ചെയ്തിരുന്നു. എന്നിട്ടും കളിക്കാൻ ആയിരുന്നില്ല. ഇനി മാർച്ച് 26ന് നടക്കുന്ന അഫ്ഗാനെതിരായ ഹോം മത്സരവും സഹലിന് നഷ്ടമാകും. ക്രിയേറ്റീവ് പ്ലയറായ സഹലിന്റെ അഭാവം ഇന്നലെ ഇന്ത്യൻ ടീമിന് അനുഭവപ്പെട്ടിരുന്നു. അടുത്ത മത്സരത്തിലും സഹൽ ഇല്ല എന്നത് ഇന്ത്യക്ക് വലിയ തിരിച്ചടിയാകും.