ഇന്റർ കോണ്ടിനെന്റൽ കപ്പിന്റെ ആദയ് മത്സരം ആദ്യ പകുതിക്ക് പിരിയുമ്പോൾ ഇന്ത്യ രണ്ടു ഗോളുകൾക്ക് മുന്നിൽ. മഗോളിയയെ നേരിടുന്ന ഇന്ത്യ മികച്ച രീതിയിൽ ആണ് തുടങ്ങിയത്. മത്സരം ആരംഭിച്ച് രണ്ടാം മിനുട്ടിൽ തന്നെ ഇന്ത്യ സഹലിലൂടെ ലീഡ് നേടി. വലതു വിങ്ങിലൂടെ വന്ന അനിരുദ്ധ് താപ നൽകിയ ക്രോസ് തടയാൻ മംഗോളിയ കീപ്പ ശ്രമിച്ചു എങ്കിലും പന്ത് സഹലിലേക്ക് എത്തി. സഹൽ അനായാസം പന്ത് വലയിൽ എത്തിച്ചു. സ്കോർ 1-0.
അധികം താമസിയാതെ ഇന്ത്യ ലീഡ് ഇരട്ടിയാക്കി. മത്സരത്തിന്റെ 14ആം മിനുട്ടിൽ ചാങ്തെയാണ് ഇന്ത്യയുടെ രണ്ടാം ഗോൾ നേടിയത്. ഒരു കോർണറിൽ നിന്ന് ജിങ്കന്റെ ഹെഡർ സേവ് ചെയ്യപ്പെട്ടപ്പോൾ റീബൗണ്ടിലൂടെ ചാങ്തെ ഗോൾ കണ്ടെത്തുക ആയിരുന്നു. സ്കോർ 2-0.
നാൽപ്പതാം മിനുട്ടിൽ സഹലിന്റെ ഒരും ലോംഗ് റേഞ്ചർ ഗോളിനടുത്ത് എത്തിയെങ്കിലും 2-0ന് ഇന്ത്യ ആദ്യ പകുതി അവസാനിപ്പിച്ചു.