വ്യാഴാഴ്ച ബെംഗളൂരുവിലെ ശ്രീ കണ്ഠീരവ സ്റ്റേഡിയത്തിൽ നടന്ന സാഫ് ചാമ്പ്യൻഷിപ്പ് ഗ്രൂപ്പ് ബി പോരാട്ടത്തിൽ മാലദ്വീപ് ഭൂട്ടാനെ തോൽപ്പിച്ചു. 2-0ന്റെ വിജയമാണ് അവർ നേടിയത്. കളിയുടെ ആറാം മിനിറ്റിൽ ഹംസ മൊഹമ്മദ് നേടിയ ഗോൾ മാൽഡീവ്സിന് തുടക്കത്തിൽ തന്നെ ലീഡ് നൽകി.
മാലിദ്വീപ് അറ്റാക്കിംഗ് താരത്തെ ബോക്സിൽ വീഴ്ത്തിയതിനു കിട്ടിയ പെനാൾട്ടി ടെൻസിൻ ഡോർജി കൃത്യമായി വലയി എത്തിച്ചു. സ്കോർ 1-0. സമനില ഗോളിനായി ഭൂട്ടാൻ ശ്രമിച്ചുകൊണ്ടിരുന്നു എങ്കിലും ഫലം ഉണ്ടായില്ല. 90-ാം മിനിറ്റിൽ പകരക്കാരനായ നൈസ് ഹസ്സൻ മാലിദ്വീപിന്റെ വിജയം ഉറപ്പിച്ച രണ്ടാം ഗോൾ നേടി.
ഫൈനൽ വിസിലിന് മുമ്പ് ഹസൻ റൈഫ് അഹമ്മദിന് ചുവപ്പ് കിട്ടിയത് മാലിദ്വീപിനെ 10 പേരാക്കി ചുരുക്കി. എങ്കിലും അവർ വിജയം കൈവിട്ടില്ല. ഗ്രൂപ്പ് ബിയിൽ അടുത്തതായി മാലിദ്വീപ് ബംഗ്ലാദേശിനെ നേരിടും, ഭൂട്ടാൻ ജൂൺ 25 ഞായറാഴ്ച ലെബനനെയും നേരിടും.