ക്രിസ്റ്റ്യാനോ റൊണാൾഡോ ഫുട്ബോളിൽ ഒരു ചരിത്രം കൂടെ തന്റേത് മാത്രമാക്കി മാറ്റി. ഇന്ന് പോർച്ചുഗലിനായി കളത്തിൽ ഇറങ്ങിയതോടെ അന്താരാഷ്ട്ര തലത്തിൽ ഏറ്റവും കൂടുതൽ മത്സരങ്ങൾ കളിച്ച പുരുഷ കളിക്കാരനായി റൊണാൾഡോ മാറി.
ഇന്മ് ലിച്ചെൻസ്റ്റീനെതിരെ ഇറങ്ങിയത് പോർച്ചുഗലിനായി റൊണാൾഡോയുടെ 197-ാം അന്താരാഷ്ട്ര മത്സരം ആയിരുന്നു. അന്താരാഷ്ട്ര മത്സരത്തിൽ, കുവൈറ്റ് താരം ബദർ അൽ-മുതവയുടെ മുൻ ലോക റെക്കോർഡ് ആയ 196 ആണ് റൊണാൾഡോ മറികടന്നത്. 38-കാരൻ ആയ റൊണാൾഡോ തന്നെയാണ് അന്താരാഷ്ട്ര ഫുട്ബോളിൽ ഏറ്റവും കൂടുതൽ ഗോളുകൾ അടിച്ച താരവും. ഇന്നത്തെ മത്സരത്തിനു മുമ്പ് തന്നെ 118 ഗോളുകൾ റൊണാൾഡോ തന്റെ രാജ്യത്തിനായി നേടിയിട്ടുണ്ട്.