യൂറോപ്യൻ ഫുട്ബോളിലേക്ക് മടങ്ങില്ല എന്ന് ക്രിസ്റ്റ്യാനോ റൊണാൾഡോ. യൂറോപ്പിലേക്കുള്ള വാതിൽ പൂർണ്ണമായും താൻ അടച്ചിരിക്കുകയാണ് എന്നും റൊണാൾഡോ പറഞ്ഞു. എനിക്ക് 38 വയസ്സായി, യൂറോപ്യൻ ഫുട്ബോളിനും വളരെയധികം നിലവാരം നഷ്ടപ്പെട്ടു. യൂറോപ്പിൽ ആകെ നല്ല ലീഗ് പ്രീമിയർ ലീഗാണ്, അവർ മറ്റെല്ലാ ലീഗുകളേക്കാളും വളരെ മുന്നിലാണ്. റൊണാൾഡോ പറഞ്ഞു.
ലയണൽ മെസ്സി പോയ അമേരിക്കൻ ലീഗിനേക്കാൾ മികച്ചതാണ് സൗദി പ്രൊ ലീഗ് എന്നു. റൊണാൾഡോ പറയുന്നു. “MLS നേക്കാൾ മികച്ചതാണ് സൗദി ലീഗ്. ഞാൻ ഒരു യൂറോപ്യൻ ക്ലബ്ബിലേക്കും തിരിച്ചുവരില്ലെന്ന് എനിക്ക് 100% ഉറപ്പുണ്ട്. ഞാൻ സൗദി ലീഗിലേക്കുള്ള വഴി തുറന്നു … ഇപ്പോൾ എല്ലാ കളിക്കാരും ഇവിടെ വരുന്നു” അദ്ദേഹം പറഞ്ഞു.
“സൗദി ക്ലബ്ബുകളിൽ ചേരാനുള്ള എന്റെ തീരുമാനം പുതിയ മികച്ച കളിക്കാരെ കൊണ്ടുവരുന്നതിന് 100% നിർണായകമായിരുന്നു. അതൊരു വാസ്തവമാണ്”. അദ്ദേഹം തുടർന്നു.
“ഞാൻ യുവന്റസിൽ ചേരുമ്പോൾ, സീരി എ മരിച്ചിരുന്നു, പിന്നീട് ഞാൻ ഒപ്പിട്ടതിന് ശേഷം അത് പുനരുജ്ജീവിപ്പിച്ചു. ക്രിസ്റ്റ്യാനോ എവിടെ പോയാലും അവൻ ഉയർന്ന താൽപ്പര്യം ജനിപ്പിക്കുന്നു. സൗദി ലീഗിലേക്ക് വന്നതിന് അവർ എന്നെ വിമർശിച്ചു, പക്ഷേ ഇപ്പോൾ എന്താണ് സംഭവിച്ചത്?”. റൊണാൾഡോ ചോദിച്ചു.
“ഞാൻ വഴി തുറന്നു … ഇപ്പോൾ എല്ലാ കളിക്കാരും ഇവിടെ വരുന്നു. ഒരു വർഷത്തിനുള്ളിൽ, കൂടുതൽ മികച്ച കളിക്കാർ സൗദിയിലേക്ക് വരും. ഒരു വർഷത്തിനുള്ളിൽ സൗദി ലീഗ് ടർക്കിഷ് ലീഗിനെയും ഡച്ച് ലീഗിനെയും മറികടക്കും. യൂറോപ്യൻ യൂണിയൻ പ്രസിഡന്റ് പറഞ്ഞത് പോലെയല്ല എത്തിയ കളിക്കാർ. ജോട്ടയും റൂബൻ നെവെസും യുവതാരങ്ങളാണ്”. അദ്ദേഹം കൂട്ടിച്ചേർത്തു.