ഇംഗ്ലീഷ് ക്ലബ് മാഞ്ചസ്റ്റർ സിറ്റിയിലേക്ക് കൂട് മാറിയ തങ്ങളുടെ മുന്നേറ്റ നിര താരം ജൂലിയൻ അൽവാരസിന് പകരക്കാരനായി ലൂയിസ് സുവാരസിനെ ടീമിൽ എത്തിക്കാൻ ശ്രമങ്ങൾ നടത്തി അർജന്റീനൻ വമ്പന്മാർ ആയ റിവർ പ്ലേറ്റ്. അർജന്റീനൻ ജേതാക്കൾ ആയ റിവറിന് മുൻ ലിവർപൂൾ, ബാഴ്സലോണ, അത്ലറ്റികോ മാഡ്രിഡ് താരമായ ഉറുഗ്വേ താരം സുവാരസിനെ ലാറ്റിൻ അമേരിക്കയിലേക്ക് തിരികെ കൊണ്ടു പോവാൻ പക്ഷെ കാര്യങ്ങൾ അത്ര എളുപ്പം അല്ല.
അത്ലറ്റികോ മാഡ്രിഡും ആയുള്ള കരാർ അവസാനിച്ച ശേഷം നിലവിൽ ഫ്രീ ഏജന്റ് ആയ ലൂയിസ് സുവാരസിന് യൂറോപ്പിൽ തുടരാൻ ആണ് താൽപ്പര്യം എന്നാണ് സൂചനകൾ. ഈ ആഴ്ച താരവും ആയി ചർച്ച നടത്താൻ ആണ് അർജന്റീന ടീമിന്റെ തീരുമാനം. അർജന്റീന ക്ലബും ആയി സുവാരസ് കരാറിൽ എത്തുമെങ്കിൽ വർഷങ്ങൾക്ക് ശേഷം ലാറ്റിൻ അമേരിക്കൻ മണ്ണിലേക്ക് താരത്തിന്റെ തിരിച്ചു വരവ് ആവും അത്.