ചാമ്പ്യൻസ് ലീഗ് ഫൈനൽ കഴിഞ്ഞ് മാസങ്ങൾ ആയെങ്കിലും മുഹമ്മദ് സലായുടെ പരിക്കിനെ ചൊല്ലിയുള്ള തർക്കം തുടരുന്നു. റാമോസിന്റെ കളിയെ വിമർശിച്ച ക്ളോപ്പിനെതിരെ പ്രതികരണവുമായി സെർജിയോ റാമോസ് തന്നെ രംഗത്തെത്തി. ഇത് രണ്ടാം തവണയാണ് ക്ളോപ്പിന് റാമോസ് മറുപടി നൽകുന്നത്.
തുടർച്ചയായി ഫൈനലുകൾ തോൽക്കുന്ന ക്ളോപ്പ് ഇത്തവണയും ഫൈനൽ തോൽവിക്ക് അതൊരു ന്യായീകരണമായി എടുക്കുന്നു എന്നാണ് റാമോസിന്റെ പ്രതികരണം. ക്ളോപ്പ് സ്വന്തം കളിക്കാരെ കുറിച്ചു വ്യാകുലനാകുന്നതാണ് കൂടുതൽ നല്ലത് എന്നും മാഡ്രിഡ് ക്യാപ്റ്റൻ കൂട്ടി ചേർത്തു.
നേരത്തെ റാമോസിന്റെ കളി ക്രൂരതയാണെന്നും എങ്ങനെയും ജയിക്കുക എന്ന റാമോസ് ശൈലി നല്ലതല്ലെന്നും ക്ളോപ്പ് അഭിപ്രായപ്പെട്ടിരുന്നു. ഇതാണ് മാഡ്രിഡ് ക്യാപ്റ്റനെ ചൊടിപ്പിച്ചത്.
കൂടുതൽ കായിക വാർത്തകൾക്ക് : www.facebook.com/FanportOfficial
