ഫിഫ ലോകകപ്പ് യോഗ്യത റൗണ്ടിൽ കരുത്തരായ ഖത്തറിന് മുന്നിൽ ഇന്ത്യക്ക് പരാജയം. ഇന്ന് കലിംഗ സ്റ്റേഡിയത്തിൽ നടന്ന മത്സരത്തിൽ എതിരില്ലാത്ത മൂന്ന് ഗോളുകൾക്ക് ആണ് ഖത്തർ വിജയിച്ചത്. ഇന്ത്യ പൊരുതി നോക്കി എങ്കിലും ഇരുടീമുകളും ക്വാളിറ്റിയുടെ കാര്യത്തിൽ വളരെ വലിയ വ്യത്യാസം ഉണ്ടായിരുന്നു. ഇന്ന് മത്സരം ആരംഭിച്ച് നാലാം മിനുട്ടിൽ തന്നെ ഖത്തർ ലീഡ് എടുത്തു. ആദ്യ പകുതിയിൽ 1-0ന്റെ ലീഡിൽ അവർ നിന്നു.
രണ്ടാം പകുതിയുടെ തുടക്കത്തിലും ഇന്ത്യ ഗോൾ വഴങ്ങി. അപ്പോൾ തന്നെ ഇന്ത്യയുടെ പ്രതീക്ഷ അസ്തമിച്ചിരുന്നു. എങ്കിലും ഇന്ത്യൻ താരങ്ങൾ അവരെ കൊണ്ട് ആകുന്നത് പോലെ ശ്രമിച്ചു. 83ആം മിനുട്ടിൽ അബ്ദുൽസിറാഗ് കൂടെ ഗോൾ നേടിയതോടെ അവരുടെ വിജയം ഉറപ്പായി. ഇന്ത്യ യോഗ്യത റൗണ്ടിലെ ആദ്യ മത്സരത്തിൽ കുവൈറ്റിനെ തോൽപ്പിച്ചിരുന്നു.