ഒടുവിൽ പി എസ് ജിക്ക് പുതിയ പരിശീലകൻ. ലൂയിസ് എൻറിക്വെയെ പി എസ് ജി പരിശീലകനായി നിയമിച്ചതായി ഔദ്യോഗികമായി അറിയിച്ചു. രണ്ടു വർഷത്തെ കരാറാണ് ലൂയി എൻറികെ ഒപ്പുവെച്ചത്. മുൻ പരിശീലകൻ ഗാൾട്ടിയർ ക്ലബ് വിട്ടതായി പി എസ് ജി ഇന്ന് ഔദ്യോഗികമായി അറിയിച്ചിരുന്നു.
നേരത്തെ നാഗെൽസ്മാൻ, ജോസെ, എന്ന് തുടങ്ങി നിരവധി പരിശീലകരുമായി പി എസ് ജി ചർച്ചകൾ നടത്തിയിരുന്നു. അവസാനമാണ് അവർ എൻറികെയിൽ എത്തിയത്. സ്പെയിൻ ദേശീയ ടീം പരിശീലകനായാണ് അവസാനം എൻറികെ പ്രവർത്തിച്ചത്. മുമ്പ് ബാഴ്സലോണയെയും പരിശീലിപ്പിച്ചിട്ടുണ്ട്. ബാഴ്സലോണ പരിശീലകനായിരിക്കെ ചാമ്പ്യൻസ് ലീഗ് അടക്കം ഒമ്പത് കിരീടങ്ങൾ എൻറികെ നേടിയിട്ടുണ്ട്.
അവസാന കുറച്ച് വർഷങ്ങളായി സൂപ്പർ താരങ്ങളെയും പരിശീലകരെയും എല്ലാം എത്തിച്ചിട്ടുൻ ചാമ്പ്യൻസ് ലീഗ് കിരീടത്തിലേക്ക് എത്താൻ ആവാതിരുന്ന പി എസ് ജി ലൂയി എൻറികെയുടെ വരവോടെ ആ കാത്തിരിപ്പിന് അവസാനമാകുമെന്ന ശുഭപ്രതീക്ഷയിലാണ്.