ലൂക്കാസ് പേരസിന്റെ ഡബിൾ, വെസ്റ്റ് ഹാമിന് ജയം

- Advertisement -

പകരക്കാരനായി ഇറങ്ങി ലൂക്കാസ് പെരസ് മിന്നൽ പിണറായ മത്സരത്തിൽ വെസ്റ്റ് ഹാമിന് മികച്ച ജയം. സ്വന്തം മൈതാനമായ ലണ്ടൻ സ്റ്റേഡിയത്തിൽ 3-1 നാണ് ഹാമേഴ്സ് ജയിച്ചു കയറിയത്. ജയത്തോടെ 18 പോയിന്റുള്ള വെസ്റ്റ് ഹാം 12 ആം സ്ഥാനത്തെത്തി.

മാർക്കോ അനാടോവിച് പരിക്കേറ്റ് പുറത്ത് പോയപ്പോൾ പകരക്കാരനായി ഇറങ്ങിയ ലൂക്കാസ് പെരസ് ആദ്യ പകുതിയിൽ നേടിയ ഇരട്ട ഗോളുകളാണ് പല്ലെഗ്രിനിയുടെ ടീമിന് ജയം ഉറപ്പാക്കിയത്. 49,54 മിനുട്ടുകളിലാണ് താരം ഗോൾ നേടിയത്. പിന്നീട് 61 ആം മിനുട്ടിൽ അന്റോണിയോ മൂന്നാം ഗോൾ നേടിയതോടെ അവർ ജയം ഉറപ്പാക്കുകയായിരുന്നു. നേരത്തെ കാർഡിഫിന് പെനാൽറ്റി ലഭിച്ചെങ്കിലും രാൾസിന്റെ കിക്ക് വെസ്റ്റ് ഹാം ഗോളി ഫാബിയൻസ്കി തടുത്തത് മത്സര ഫലത്തിൽ നിർണായകമായി. കളി തീരാൻ സെക്കന്റുകൾ ബാക്കി നിൽക്കേ ജോഷ് മർഫിയാണ് കാർഡിഫിന്റെ ആശ്വാസ ഗോൾ നേടിയത്.

Advertisement