ഇരുപത്തിമൂന്നുകാരനായ ആഴ്സണൽ ലെഫ്റ്റ് ബാക്ക് നുനോ ടവാരസിനെ ലക്ഷ്യമിട്ട് വെസ്റ്റ് ഹാം. നിലവിൽ ആരോൺ ക്രസ്വലിന് ടീമിൽ വെല്ലുവിളി ഉയർത്താൻ ആണ് ടവാരസിനെ വെസ്റ്റ് ഹാം ലക്ഷ്യമിടുന്നത്. 8 മില്യൺ പൗണ്ട് തുകക്ക് താരത്തെ സ്വന്തമാക്കാൻ ആണ് വെസ്റ്റ് ഹാം ശ്രമിക്കുക.
23 കാരനായ പോർച്ചുഗീസ് താരത്തിനെ വിൽക്കാൻ ആഴ്സണലും ഒരുക്കമാണ്. ഇംഗ്ലണ്ടിൽ തുടരാൻ താൽപ്പര്യം കാണിക്കുന്ന താരത്തിന് ആയി തുർക്കി വമ്പന്മാരും താൽപ്പര്യം കാണിക്കുന്നുണ്ട്. കഴിഞ്ഞ സീസണിൽ ലീഗ് വണ്ണിൽ ലോണിൽ ആയിരുന്നു ടവാരസ് കളിച്ചത്. റൈസിനെ വെസ്റ്റ് ഹാമിൽ നിന്നു സ്വന്തമാക്കിയ ആഴ്സണൽ ടവാരസിനെ അവർക്ക് വിൽക്കാൻ തന്നെയാണ് സാധ്യത.