ആസ്റ്റൺ വില്ല വൻ സമ്മർദ്ദത്തിൽ ആയിരിക്കുകയാണ്. ആസ്റ്റൺ വില്ല താരങ്ങളായ ടോം ഹീറ്റണും സ്ട്രൈക്കർ വെസ്ലിയും ഇനി ഈ സീസണിൽ കളിക്കില്ല എന്ന് ക്ലബ് അറിയിച്ചു. ബേൺലിക്ക് എതിരായ ആസ്റ്റൺ വില്ലയുടെ വിജയത്തിനിടയിൽ ആയിരുന്നു ഹീറ്റണും വെസ്ലിക്കും പരിക്കേറ്റത്. ഇരുവർക്കും ലിഗമന്റ് ഇഞ്ച്വറി ആണെന്ന് ക്ലബ് അറിയിച്ചു.
ഏഴു മാസത്തിൽ അധികം രണ്ട് താരങ്ങളും വിശ്രമിക്കേണ്ടി വരും. ഈ സീസണിൽ ആസ്റ്റൺ വില്ലയിൽ എത്തി വെസ്ലി ഇതുവരെ വില്ലയ്ക്കായി ആറു ഗോളുകൾ നേടിയിരുന്നു. വെസ്ലിക്ക് പരിക്കേറ്റതോടെ പുതിയ സ്ട്രൈക്കറെ തേടുകയാണ് റിലഗേഷൻ ഭീഷണിയിൽ ഉള്ള ആസ്റ്റൺ വില്ല. ഹീറ്റൺ ഇല്ല എന്നതിനാൽ നൈലാൻഡ് ആകും ഇനി വില്ലയുടെ വല കാക്കുക.
