ആസ്റ്റൺ വില്ല പരിശീലകൻ ഉനായ് എമെറി ക്ലബിൽ കരാർ പുതുക്കി. 2027വരെയുള്ള കരാറിൽ ആണ് അദ്ദേഹം ഒപ്പുവെച്ചത്. ഇതു സംബന്ധിച്ച ഔദ്യോഗിക പ്രഖ്യാപനം ഇന്നു വന്നു. 2022 ഒക്ടോബറിൽ ആയിരുന്നു എമെറി വില്ലയിൽ എത്തിയത്. അന്ന് മുതൽ അവർ ഗംഭീര പ്രകടനമാണ് കാഴ്ചവെക്കുന്നത്.
2010 ന് ശേഷം ആദ്യമായി ആസ്റ്റൺ കിക്ല ക്ലബിനെ യൂറോപ്യൻ യോഗ്യതയിലേക്ക് നയിച്ചു. ക്ലബ് നിലവിൽ അടുത്ത സീസണിലെ യുവേഫ ചാമ്പ്യൻസ് ലീഗിന് യോഗ്യത നേടാനുള്ള ഓട്ടത്തിലാണ്. ഇപ്പോൾ പ്രീമിയർ ലീഗിൽ 66 പോയിന്റുമായി നാലാം സ്ഥാനത്താണ് ആസ്റ്റൺ വില്ല ഉള്ളത്. മുമ്പ് ആഴ്സണൽ, പി എസ് ജി തുടങ്ങിയ ക്ലബുകളെ പരിശീലിപ്പിച്ചിട്ടുള്ള കോച്ചാണ് എമെറി.