ലണ്ടൻ ഡെർബിയിൽ ടോട്ടൻഹാമിന്‌ ജയം

- Advertisement -

ലണ്ടൻ ഡെർബിയിൽ വെസ്റ്റ് ഹാമിനെതിരെ ടോട്ടൻഹാമിന്‌ ജയം. ഏകപക്ഷീയമായ ഒരു ഗോളിനായിരുന്നു ടോട്ടൻഹാമിന്റെ ജയം. കാര്യമായ ആക്രമണ ഫുട്ബാൾ കാണാത്ത മത്സരത്തിൽ ആദ്യ പകുതിയുടെ അവസാന മിനുട്ടിൽ എറിക് ലാമേല നേടിയ ഗോളിലാണ് ടോട്ടൻഹാം ജയം സ്വന്തമാക്കിയത്.

അവസരങ്ങൾ വളരെ കുറഞ്ഞ മത്സരത്തിൽ സിസോക്കോയുടെ പാസിൽ നിന്നാണ് ലാമേല ഗോൾ നേടിയത്. താരത്തിന്റെ സീസണിലെ ആദ്യ ഗോൾ കൂടിയാണ് ഇത്. ജയത്തോടെ പ്രീമിയർ ലീഗിൽ തുടർച്ചയായി നാല് മത്സരങ്ങൾ ജയിക്കാനും ടോട്ടൻഹാമിന്‌ ആയി. നേരത്തെ വെസ്റ്റ് ഹാമിന്റെ ഗ്രൗണ്ടിൽ ചെൽസിക്കും മാഞ്ചസ്റ്റർ യൂണൈറ്റഡിനും ജയിക്കാനായിരുന്നില്ല.

Advertisement