ഈ സമ്മറിലെ ട്രാൻസ്ഫർ വിൻഡോ ഒക്ടോബർ 5ന് അടയ്ക്കുന്നതിന് മുൻപ് ടോട്ടൻഹാം ഒരു പുതിയ സ്‌ട്രൈക്കറെ ടീമിൽ എത്തിക്കുമെന്ന് പരിശീലകൻ ജോസെ മൗറിനോ. നിലവിൽ ഹാരി കെയ്ൻ മാത്രമാണ് ടീമിലെ സ്ഥിരം സ്‌ട്രൈക്കർ. ടീമിൽ സോണും ഗാരെത് ബെയ്‌ലും ഉണ്ടെങ്കിലും സ്‌ട്രൈക്കർ ആയി സ്ഥിരം കളിക്കുന്ന ഒരു താരത്തെ സ്വന്തമാക്കാനാണ് ടോട്ടൻഹാമിന്റെ ശ്രമം.
ബൗൺമൗത്ത്‌ സ്‌ട്രൈക്കർ ജോഷ് കിംഗ്, നാപോളി താരം അർകാടിയസ് മിലിക്, ടോറിനോ താരം ആന്ദ്രേ ബെലോട്ടി എന്നിവരിൽ ഒരാളെയാവും ടോട്ടൻഹാം സ്വന്തമാക്കാൻ സാധ്യത കൂടുതൽ. ഒരു മത്സരത്തിൽ കളിക്കുന്നത് പോലെ തന്നെയാണ് ട്രാൻസ്ഫർ മാർക്കറ്റിൽ ഇടപെടുന്നതിനും ചിലപ്പോൾ അതിൽ വിജയം കണ്ടേക്കാം, ചിലപ്പോൾ പരാജയപ്പെട്ടേക്കാമെന്നും മൗറിനോ പറഞ്ഞു.
ഡെലെ അലി നാളെ നടക്കുന്ന യൂറോപ്പ ലീഗ് മത്സരത്തിനുള്ള ടോട്ടൻഹാം ടീമിൽ ഇടം പിടിക്കുമോ എന്ന കാര്യത്തിൽ ജോസ് മൗറിനോ ഉറപ്പ് നൽകിയതും ഇല്ല. ഈ ട്രാൻസ്ഫർ വിൻഡോയിൽ ഡെലെ അലി ടോട്ടൻഹാം വിടാനുള്ള സാധ്യത കൂടുതലാണ്.
