Local Sports News in Malayalam

കോണ്ടെയുടെ സ്പർസിനെ തടയുക എളുപ്പമാകില്ല, വൻ വിജയവുമായി ടോട്ടനം തുടങ്ങി

Tottenham Hotspur starts season with a big win over Southampton

ഈ സീസണിൽ ഏവരും പേടിക്കേണ്ട ടീമായിരിക്കും സ്പർസ് എന്നതിന് അടിവരയിട്ടു കൊണ്ട് കൊണ്ടെയും ടീമും പ്രീമിയർ ലീഗ് സീസൺ തുടങ്ങി. ഇന്ന് സ്വന്തം സ്റ്റേഡിയത്തിൽ സതാമ്പ്ടണെതിരെ ഇറങ്ങുമ്പോൾ പുതിയ ഒരു സൈനിംഗിനെയും കൊണ്ടേ ആദ്യ ഇലവനിൽ ഇറക്കിയിരുന്നില്ല. മത്സരം ആരംഭിച്ച് 12ആം മിനുട്ടിൽ തന്നെ സന്ദർശകരായ സതാമ്പ്ടൺ ലീഡ് എടുത്തു. ജെനാപോയുടെ അസിസ്റ്റിൽ നിന്ന് വാർഡ് പ്രോസാണ് സ്പർസിനെ ഞെട്ടിച്ച് ലീഡ് നേടിയത്.

പക്ഷെ കോണ്ടെയുടെ ടീമിനെ ആ ഗോൾ സമ്മർദ്ദത്തിൽ ആക്കിയില്ല. അവർ നല്ല ഫുട്ബോൾ കളിച്ച് കളിയിലേക്ക് വളർന്നു. 21ആം മിനുട്ടിൽ സമനില കണ്ടെത്തി. വലതു വിങ്ങിൽ നിന്ന് കുലുസവേസ്കി നൽകിയ ക്രോസ് ഹെഡ് ചെയ്ത് വലയിൽ എത്തി സെസിന്യോൺ ആണ് സ്പർസിനെ ഒപ്പം എത്തിച്ചത്.
20220806 211030
31ആം മിനുട്ടിൽ മറ്റൊരു ഹെഡർ സ്പർസിനെ മുന്നിലും എത്തിച്ചു. ഇത്തവണ സോണിന്റെ ക്രോസിൽ നിന്ന് എറിക് ഡയറുടെ ഹെഡർ. സ്കോർ 2-1. രണ്ടാം പകുതിയിൽ സ്പർസ് കൂടുതൽ ശക്തരായി. 60ആം മിനുട്ടിൽ ഒരു സെൽഫ് ഗോൾ സ്പർസിന് മൂന്ന ഗോൾ സമ്മാനിച്ചു. എമേഴ്സന്റെ ഒരു ഷോട്ട് ക്ലിയർ ചെയ്യുന്നതിന് ഇടയിൽ സലിസു പന്ത് സ്വന്തം വലയിലേക്ക് തന്നെ അടിക്കുകയായിരുന്നു.

63ആം മിനുട്ടിലെ കുലുസവേസ്കിയുടെ ഗോൾ കൂടെ വന്നതോടെ സ്പർസ് വിജയം ഉറപ്പിച്ചു.

NB: കോപിയടിക്കുന്നവർ ക്രെഡിറ്റ് വെക്കാനുള്ള മര്യാദ കാണിക്കണെ. നന്ദി

Story Highlight: Tottenham Hotspur starts season with a big win over Southampton

You might also like