ഇംഗ്ലീഷ് പ്രീമിയർ ലീഗിൽ ഇന്ന് ടോട്ടൻഹാമിന്റെ ആദ്യ മത്സരം ന്യൂ കാസിലിനെതിരെ. ന്യൂ കാസിലിന്റെ മൈതാനമായ സെന്റ് ജെയിംസ് പാർക്കിൽ ഇന്ന് ഇന്ത്യൻ സമയം വൈകിട്ട് 5 നാണ് മത്സരം കിക്കോഫ്.
ട്രാൻസ്ഫർ വിൻഡോയിൽ കാര്യമായി ശക്തിപ്പെടുത്താത്ത 2 ടീമുകൾ തമ്മിലാണ് ഇന്ന് മത്സരം. സ്പർസ് ഒരു സൈനിംഗ് പോലും നടത്താതെയാണ് പുതിയ സീസണിനായി ഇറങ്ങുന്നതെങ്കിൽ മൈക്ക് ആഷ്ലിയുടെ ഉടമസ്ഥതയിൽ മറ്റൊരു മോശം ട്രാൻസ്ഫർ വിൻഡോയാണ് ന്യൂ കാസിലിൽ കഴിഞ്ഞത്.
ലോകകപ്പ് സെമിയിൽ വരെ കളിച്ച 9 ആദ്യ ടീം താരങ്ങൾ വൈകിയാണ് പോചെറ്റിനോയുടെ ടീമിലേക്ക് തിരിച്ചെത്തിയത് എങ്കിലും അവരിൽ മിക്കവരെയും ഇന്ന് കളിപ്പിക്കാതെ സ്പർസിന് രക്ഷയില്ല. ഹാരി കെയ്ൻ, യാൻ വേർതൊഗൻ, അലി, ട്രിപ്പിയർ , ലോറിസ് അടക്കമുളകവർ ഇന്ന് കളിക്കാനാണ് സാധ്യത. പരിക്കേറ്റ വൻയാമ, ലമേല എന്നുവർ കളിച്ചേക്കില്ല.
ന്യൂ കാസിൽ നിരയിൽ പുതുതായി എത്തിയ സോളമൻ റോണ്ടൻ, യോഷിനോറി മുട്ടോ എനിയവർ ഇന്ന് അരങ്ങേറിയേക്കും. ചെൽസിയിൽ നിന്ന് ലോണിൽ വീണ്ടും എത്തിയ കെനഡിയുടെ സാന്നിധ്യവും റാഫ ബെനീറ്റസിന്റെ ടീമിന് തുണയായേക്കും.
കൂടുതൽ കായിക വാർത്തകൾക്ക് : www.facebook.com/FanportOfficial
