പുതിയ സ്റ്റേഡിയത്തിലേക്ക് ഉടൻ മാറാമെന്ന ടോട്ടൻഹാമിന്റെ പ്രതീക്ഷകൾക്ക് തിരിച്ചടി. നേരത്തെ പ്രഖ്യാപിച്ച പ്രകാരം സെപ്റ്റംബർ 15ന് നടക്കേണ്ട ടോട്ടൻഹാം – ലിവർപൂൾ പോരാട്ടമായിരുന്നു പുതിയ സ്റ്റേഡിയത്തിലെ ആദ്യ മത്സരം. എന്നാൽ സ്റ്റേഡിയത്തിന്റെ സുരക്ഷിതത്വവുമായ ബന്ധപ്പെട്ട ചില പ്രശ്നങ്ങൾ കാരണം സ്റ്റേഡിയത്തിലെ ആദ്യ മത്സരം വൈകുമെന്ന് ടോട്ടൻഹാം വ്യക്തമാക്കി.
പ്രീമിയർ ലീഗിൽ സെപ്റ്റംബർ 15ന് നടക്കേണ്ടിയിരുന്ന ലിവർപൂളിനെതിരായ മത്സരവും ഒക്ടോബർ 6ന് നടക്കേണ്ട കാർഡിഫ് സിറ്റിക്കെതിരായ മത്സരവുമാണ് വെംബ്ലിയിൽ വെച് നടക്കുക. ടോട്ടൻഹാമിന്റെ പുതിയ ഗ്രൗണ്ടിൽ നടക്കേണ്ടിയിരുന്ന എൻ.എഫ്.എൽ( അമേരിക്കൻ ഫുട്ബോൾ ലീഗ് ) മത്സരവും വെംബ്ലിയിലേക്ക് മാറ്റിയിട്ടുണ്ട്. ഒക്ടോബർ 28ന് നടക്കുന്ന മാഞ്ചസ്റ്റർ സിറ്റിക്കെതിരായ മത്സരവും മാറ്റിവെക്കപ്പെടുമെന്നാണ് കരുതപ്പെടുന്നത്.
ഈ ആഴ്ച നടക്കുന്ന ഫുൾഹാമിന് എതിരായ മത്സരം മാത്രമാണ് വെംബ്ലിയിൽ നടക്കുക എന്നായിരുന്നു നേരത്തെ നിശ്ചയിച്ചിരുന്നത്.
കൂടുതൽ കായിക വാർത്തകൾക്ക് : www.facebook.com/FanportOfficial
