പ്രീമിയർ ലീഗിൽ ടോട്ടനത്തിന് മികച്ച വിജയം. ഇന്ന് എവർട്ടണെ നേരിട്ട സ്പർസ് എതിരില്ലാത്ത നാലു ഗോളുകളുടെ വിജയമാണ് നേടിയത്. പോസ്റ്റഗൊഗ്ലു പരിശീലകനായി എത്തിയ ശേഷമുള്ള സ്പർസിന്റെ ഏറ്റവും വലിയ വിജയമാണിത്. ഇരട്ട ഗോളുകളുമായി ക്യാപ്റ്റൻ സോൺ മികച്ചു നിന്നു.
എഡ്ജ് ഓഫ് ദി ബോക്സിൽ നിന്ന് ഒരു ഗംഭീര സ്ട്രൈക്കിലൂടെ ബിസോമ ആണ് സ്പർസിന് ലീഡ് നൽകിയത്. 25ആം മിനുട്ടിൽ പിക്ക്ഫോർഡിന്റെ ഒരു അബദ്ധം മുതലെടുത്ത് ഹ്യുങ്മിൻ സോൺ സ്പർസിന്റെ ലീഡ് ഇരട്ടിയാക്കി.
രണ്ടാം പകുതിയിൽ ഒരു കോർണറിൽ നിന്ന് ക്രിസ്റ്റ്യൻ റൊമേരോ ആണ് സ്പർസിന്റെ മൂന്നാം ഗോൾ നേടിയത്. അവസാനം ഒരു മികച്ച കൗണ്ടർ അറ്റാക്കിന് ഒടുവിൽ സോൺ തന്റെ രണ്ടാം ഗോൾ കൂടെ നേടിയതോടെ സ്പർസിന്റെ വിജയം പൂർത്തിയായി.