ഈ സീസണിന്റെ അവസാനത്തോടെ മാഞ്ചസ്റ്റർ സിറ്റി വിടുന്ന സെർജിയോ അഗ്വേറൊയെ ആഴ്സണൽ സ്വന്തമാക്കുമോ എന്ന ചോദ്യത്തിന് മറുപടിയുമായി ആഴ്സണൽ പരിശീലകൻ അർടെറ്റ. അഗ്വേറൊയെ സ്വന്തമാക്കുമോ എന്ന ചോദ്യത്തിന് കാത്തിരുന്ന് കാണാമെന്നാണ് ആഴ്സണൽ പരിശീലകൻ പ്രതികരിച്ചത്.
നേരത്തെ മാഞ്ചസ്റ്റർ സിറ്റിയിൽ പെപ് ഗ്വാർഡിയോളക്ക് പിന്നിൽ രണ്ടാമനായി നിന്ന ആളാണ് അർടെറ്റ. അതുകൊണ്ട് തന്നെ ഫ്രീ ട്രാൻസ്ഫറിൽ മാഞ്ചസ്റ്റർ സിറ്റി വിടുന്ന അഗ്വേറൊയെ സ്വന്തമാക്കാൻ പല ടീമുകളും ശ്രമിക്കുന്നതിനിടെ ആഴ്സണലും ശ്രമിക്കുമെന്നാണ് ആരാധകരുടെ പ്രതീക്ഷ.
കഴിഞ്ഞ കാലങ്ങളിൽ മാഞ്ചസ്റ്റർ സിറ്റിയുടെ മികവിന് പിന്നിൽ സെർജിയോ അഗ്വേറൊ ആണെന്ന് അഗ്വേറൊയോട് അടുത്ത് നിൽക്കുന്നവർക്ക് അറിയാമെന്നും അർടെറ്റ കൂട്ടിച്ചേർത്തു.