എവർട്ടൺ ക്യാപ്റ്റൻ സീമസ് കോൾമാൻ ക്ലബ്ബിൽ പുതിയ കരാർ അംഗീകരിച്ചു. എവർട്ടൺ റിലഗേഷൻ ഒഴിവാക്കിയതിനു പിന്നാലെ ആണ് കോൾമാൻ കരാർ പുതുക്കിയത്. 2009-ൽ ഗുഡിസൺ പാർക്കിൽ എത്തിയ 34-കാരനായ റൈറ്റ് ബാക്ക് ഒരു വർഷത്തെ കരാറിൽ ആകും ഒപ്പുവെക്കുക.
റിപ്പബ്ലിക് ഓഫ് അയർലൻഡ് ഇന്റർനാഷണൽ എവർട്ടനെ പ്രതിനിധീകരിച്ച് 409 മത്സരങ്ങൾ ഇതുവരെ കളിച്ചിട്ടുണ്ട്. കോൾമാന്റെ നിലവിലെ കരാർ ജൂൺ 30-ന് അവസാനിക്കാനിരിക്കുകയായിരുന്നു. ഈ കരാറോടെ കോൾമാൻ എവർട്ടണിൽ 14 വർഷം പൂർത്തിയാക്കും. എവർട്ടൺ ടോം ഡേവിഡിന്റെയും കരാർ പുതുക്കാൻ ശ്രമിക്കുന്നുണ്ട്.