ചെൽസി മിഡ്ഫീൽഡർ ആൻഡ്രി സാന്റോസ് ക്ലബിൽ തന്നെ തുടരാൻ സാധ്യത. താരത്തെ ലോണിൽ അയക്കാൻ ആണ്ക്ലബ് പദ്ധതിയിട്ടിരുന്നത്. എന്നാൽ പ്രീ-സീസൺ സൗഹൃദ മത്സരങ്ങളിലും പരിശീലനത്തിലും സാന്റോസ് നടത്തൊയ പ്രകടനങ്ങളിൽ പരിശീലകൻ പോചടീനീ തൃപ്തനാണ്. അതുകൊണ്ട് അദ്ദേഹത്തെ ക്ലബിൽ നിർത്താൻ പോചടീനോ ആവശ്യപ്പെടാൻ ആണ് സാധ്യത. ഇതിനകം ആറോളം ക്ലബ്ബുകൾ സാന്റോസിനെ ലോണിൽ ആവശ്യപ്പെട്ടിട്ടുണ്ട്.
യുവ ബ്രസീലിയൻ മിഡ്ഫീൽഡറും സ്റ്റാംഫോർഡ് ബ്രിഡ്ജിൽ തുടരാൻ ആണ് ആഗ്രഹിക്കുന്നത്.ലാറ്റിനമേരിക്കയിൽ കാണിച്ച അത്ഭുതങ്ങൾ ഇംഗ്ലണ്ടിലും കാണിക്കാൻ യുവതാരത്തിന് ആകും എന്നാണ് പ്രതീക്ഷ. 18 കാരനായ സൗത്ത് അമേരിക്കൻ മിഡ്ഫീൽഡർ വാസ്കോ ദെ ഗാമ ക്ലബിൽ നിന്നാണ് ചെൽസിയിൽ എത്തിയത്.