ഇംഗ്ലീഷ് പ്രീമിയർ ലീഗിൽ വമ്പൻ കുതിപ്പ് നടത്തുന്ന ലിവർപൂൾ ആരാധകർക്ക് ആശങ്ക നൽകി സൂപ്പർ താരം മൊ സലാഹ്. ഇന്നലെയും 2 ഗോളുകൾ നേടി ടീമിനെ ജയിപ്പിച്ച സലാ ഡിസംബർ ആവാറായിട്ടും ഈ സീസണിൽ കരാർ തീരുന്ന തനിക്ക് മുന്നിൽ ലിവർപൂൾ പുതിയ കരാർ വെച്ചിട്ടില്ലെന്നു വ്യക്തമാക്കി. താൻ ക്ലബ്ബിൽ തുടരും എന്നതിനേക്കാൾ ക്ലബ്ബിൽ നിന്നു പുറത്ത് പോവുന്ന സൂചയാണ് കൂടുതൽ എന്നും ഈജിപ്ഷ്യൻ സൂപ്പർ താരം പറഞ്ഞു. നിലവിൽ ഒന്നും തന്റെ കയ്യിൽ അല്ലെന്നും സലാ വ്യക്തമാക്കി.
എന്തിനാണ് ക്ലബ് പുതിയ കരാർ മുന്നോട്ട് വെക്കാത്തത് എന്നു തനിക്ക് അറിയില്ലെന്ന് പറഞ്ഞ സലാ തനിക്ക് ലിവർപൂൾ ആരാധകർ എന്നും പ്രിയപ്പെട്ടവർ ആണെന്നും കൂട്ടിച്ചേർത്തു. തനിക്ക് ലിവർപൂൾ തീരുമാനത്തിൽ നിരാശയുണ്ട് എന്നു വ്യക്തമാക്കിയ സലാ താൻ ഉടനെ ഒന്നും വിരമിക്കില്ലെന്നും വ്യക്തമാക്കി. നിലവിൽ താൻ കളിയിൽ ആണ് ശ്രദ്ധിക്കുന്നത് എന്നും പ്രീമിയർ ലീഗ്, ചാമ്പ്യൻസ് ലീഗ് എന്നിവ നേടുകയാണ് ലക്ഷ്യം എന്നും താരം കൂട്ടിച്ചേർത്തു. നിരാശനാണ് എങ്കിലും എന്ത് സംഭവിക്കും എന്നു കാത്തിരുന്നു കാണാം എന്നും സലാ പറഞ്ഞു.