റൂണിക്ക് അസൂയ ആണെന്ന് റൊണാൾഡോ, മെസ്സിക്ക് ഒഴികെ ബാക്കി എല്ലാവർക്കും റൊണാൾഡോയോട് അസൂയ കാണും എന്ന് റൂണിയുടെ തിരിച്ചടി

മാഞ്ചസ്റ്റർ യുണൈറ്റഡിനെ മുൻ സഹ താരങ്ങളായ വെയിൻ റൂണിയും ക്രിസ്റ്റ്യാനോ റൊണാൾഡോയും തമ്മിലുള്ള വാക്ക് പോര് തുടരുന്നു. വെയിൻ റൂണി ക്രിസ്റ്റ്യാനോ റൊണാൾഡോയുടെ മാഞ്ചസ്റ്റർ യുണൈറ്റഡിലേക്കുള്ള തിരിച്ചുവരവിനെ വിമർശിച്ചത് മുതൽ ആയിരുന്നു വാക്ക് പോര് ആരംഭിച്ചത്. റൊണാൾഡോ പഴയ റൊണാൾഡോ അല്ല എന്നും മാഞ്ചസ്റ്റർ യുണൈറ്റഡ് യുവതാരങ്ങളെ ആണ് കൊണ്ടുവരേണ്ടത് എന്നും റൂണി രണ്ട് ദിവസം മുമ്പ് പറഞ്ഞിരുന്നു.

ഇതിന് റൊണാൾഡോ ഇൻസ്റ്റഗ്രാമിൽ റൂണിയോട് അദ്ദേഹത്തിന് അസൂയ ആണെന്ന് മറുപടി നൽകുകയുണ്ടായി. ഇന്നലെ റൊണാൾഡോയുടെ പ്രതികരണത്തെ കുറിച്ച് റൂണിയോട് ആരാഞ്ഞു. റൊണാൾഡോയോട് അസൂയ ഉണ്ടാകും എന്നും ലയണൽ മെസ്സി ഒഴിയികെ ബാക്കി എല്ലാ ഫുട്ബോൾ താരങ്ങൾക്കും റൊണാൾഡോയോട് അസൂയ ഉണ്ടാവും എന്നും റൂണി തിരിച്ചടിച്ചു. മുമ്പും മെസ്സി റൊണാൾഡോയെക്കാൾ മികച്ച താരമാണ് എന്ന് റൂണി പറഞ്ഞിരുന്നു.

Photo:Getty Images

റൊണാൾഡോയുടെ സിക്സ് പാക്കും അദ്ദേഹത്തിന്റെ റെക്കോർഡുകളും കിരീടങ്ങളും ആർക്കും അസൂയ ഉണ്ടാക്കാം എന്നും റൂണി പറഞ്ഞു.

Previous articleറിഷഭ് പന്തിന് 12 ലക്ഷം പിഴ
Next articleപികെയുടെ പരിക്ക് സാരമുള്ളതല്ല എന്ന് സാവി