ഇംഗ്ലീഷ് പ്രീമിയർ ലീഗ് സീസണിലെ അവസാന മത്സരത്തിൽ ഇന്ന് മാഞ്ചസ്റ്റർ യുണൈറ്റഡ് ഇറങ്ങുമ്പോൾ അവർക്ക് ഒപ്പം പോഗ്ബയും ക്രിസ്റ്റ്യാനോ റൊണാൾഡോയും ഉണ്ടാകില്ല. പരിക്ക് കാരണം ആണ് ക്രിസ്റ്റ്യാനോ കളിക്കാത്തത്. പോഗ്ബ ക്ലബ് വിട്ടു പോകുന്നതിനാൽ പരിക്ക് പറ്റാതിരിക്കാൻ വേണ്ടി കളിയിൽ നിന്ന് വിട്ടു നിൽക്കുകയാണ്. ഇന്ന് ക്രിസ്റ്റൽ പാലസിനെയാണ് മാഞ്ചസ്റ്റർ യുണൈറ്റഡ് നേരിടുന്നത്. എവേ മത്സരം കാണാൻ സ്റ്റേഡിയത്തിൽ മാഞ്ചസ്റ്റർ യുണൈറ്റഡ് പുതിയ പരിശീലകൻ ടെൻ ഹാഗും ഉണ്ടാകും.
റാൾഫ് റാഗ്ഗ്നിക്ക് ഇന്ന് തന്റെ അവസനാ മത്സരത്തിൽ യുവതാരങ്ങൾക്ക് അവസരം നൽകാൻ ആണ് സാധ്യത. മാറ്റ, മാറ്റിച് തുടങ്ങിയ യുണൈറ്റഡ് വിട്ടു പോകും എന്ന് അറിയിച്ച താരങ്ങളും കളത്തിൽ ഇറങ്ങിയേക്കും. ഇന്ന് രാത്രി 8.30നാണ് മത്സരം നടക്കുന്നത്
