ആഴ്സണൽ താരം ആരോൺ റംസി ഫുൾഹാമിന് എതിരെ നേടിയ കിടിലൻ ഗോളിന് പ്രീമിയർ ലീഗ് അവാർഡ്. പ്രീമിയർ ലീഗിൽ ഒക്ടോബറിലെ ഗോൾ ഓഫ് ദി മന്ത് അവാർഡാണ് താരം നേടിയത്. റംസിയുടെ ഗോളിന്റെ കൂടെ പിൻബലത്തിൽ മത്സരത്തിൽ ആഴ്സണൽ 5-2 ന്റെ ജയം സ്വന്തമാക്കിയിരുന്നു.
ഈ ഗോളിനെ തന്റെ കരിയറിലെ മികച്ച ഗോളുകളിൽ ഒന്ന് എന്നാണ് റംസി വിശേഷിപ്പിച്ചത്. ഒബാമയാങിന്റെ പാസ്സ് മികച്ച ഫ്ലിക്കിലൂടെ താരം വലയിലേക്ക് മാറ്റുകയായിരുന്നു.സിഗർസൻ, പെരേര, മഹ്റസ്, മാർശിയാൽ എന്നിവരെ മറികടന്നാണ് താരം നേട്ടം കൈവരിച്ചത്.