പ്രീമിയർ ലീഗ് : പത്ത് പേർക്ക് കൂടി കൊറോണ വൈറസ് ബാധ

- Advertisement -

പ്രീമിയർ ലീഗിൽ ഈ ആഴ്ച നടത്തിയ കൊറോണ വൈറസ് ടെസ്റ്റിൽ 10 പ്രീമിയർ ലീഗ് അംഗങ്ങൾക്ക് കൊറോണ വൈറസ് ബാധ സ്ഥിരീകരിച്ചു. പ്രീമിയർ ലീഗിൽ കൊറോണ വൈറസ് ബാധ പരിശോധന തുടങ്ങിയതിന് ശേഷം ആദ്യമായാണ് ഇത്രയും താരങ്ങൾക്ക് കൊറോണ വൈറസ് ബാധ സ്ഥിരീകരിക്കുന്നത്.

കഴിഞ്ഞ മൂന്ന് ആഴ്ചകളിൽ നടത്തിയ ടെസ്റ്റിൽ 3-4 അംഗങ്ങൾക്ക് മാത്രമാണ് കൊറോണ പോസറ്റീവ് ആയത്. പരിശീലകൻ ഡേവിഡ് മോയസ് അടക്കം മൂന്ന് താരങ്ങൾക്ക് വെസ്റ്റ്ഹാമിൽ കൊറോണ വൈറസ് ബാധ സ്ഥിരീകരിച്ചിരുന്നു.

സെപ്റ്റംബർ 21 മുതൽ സെപ്റ്റംബർ 27 വരെയുള്ള സമയത്ത് നടത്തിയ 1595 പരിശോധനകളിലാണ് 10 പേർക്ക് കൊറോണ വൈറസ് പോസറ്റീവ് ആയത്. പോസിറ്റീവ് ആയ താരങ്ങൾ 10 ദിവസം ഐസൊലേഷനിൽ ചിലവഴിച്ചതിന് ശേഷമാവും ടീമിനൊപ്പം ചേരുക.

Advertisement