ലീഡ്സ് യുണൈറ്റഡിനെതിരായ ചെൽസിയുടെ മത്സരത്തിന് മുന്നോടിയായി നടത്തിയ പത്രസമ്മേളനത്തിൽ, ഈ സീസണിൽ ക്ലബ്ബിന്റെ മോശം പ്രകടനത്തിന്റെ പൂർണ ഉത്തരവാദിത്തം മാനേജർ ഗ്രഹാം പോട്ടർ ഏറ്റെടുത്തു. നിലവിൽ പ്രീമിയർ ലീഗിൽ പത്താം സ്ഥാനത്താണ് ചെൽസി.
“ഞങ്ങളുടെ സാഹചര്യം എനിക്കറിയാം – ഞങ്ങൾ ഫലങ്ങൾ മെച്ചപ്പെടുത്തേണ്ടതുണ്ട്. അത് എന്റെ ഉത്തരവാദിത്തമാണ്. ഇതുവരെ ഒന്നും വേണ്ടത്ര മികച്ചതായിരുന്നില്ല” പോട്ടർ പറഞ്ഞു.
ടീമിന്റെ പ്രകടനങ്ങളിലെ ചെൽസി ആരാധകരുടെ നിരാശയും അവരുടെ മോശം പ്രതികരണവും പോട്ടർ അംഗീകരിക്കുന്മു.
“ലീഗിൽ ഏറ്റവും താഴെയുള്ള ടീമിനോട് (സൗത്താംപ്ടൺ) 1-0 ന് നിങ്ങൾ തോൽക്കുമ്പോൾ, രോഷം അടങ്ങിയ പ്രതികരണമാണ് നിങ്ങൾക്ക് ലഭിക്കുക. അതിനെക്കുറിച്ച് എനിക്ക് പരാതികളൊന്നുമില്ല. ഞങ്ങൾ ഇപ്പോൾ വേണ്ടത്ര മികച്ചവരല്ല. ടീമിനെ കുറിച്ച് ശരിക്കും ആവേശം കൊള്ളാൻ ആരാധകർക്ക് വേണ്ടത് നൽകാൻ ആകുന്നില്ല. കാര്യങ്ങൾ മെച്ചപ്പെടുത്താൻ ആണ് താൻ പ്രവർത്തിക്കുന്നത്” അദ്ദേഹം പറഞ്ഞു.