ഇംഗ്ലീഷ് പ്രീമിയർ ലീഗിലെ കഴിഞ്ഞ മാസത്തെ മികച്ച താരത്തിനുള്ള പുരസ്കാരം മാഞ്ചസ്റ്റർ യുണൈറ്റഡ് താരം മാർക്കസ് റാഷ്ഫോർഡ് സ്വന്തമാക്കി. ജനുവരിയിൽ മാർക്കസ് റാഷ്ഫോർഡ് നാലു മത്സരങ്ങളിൽ നിന്ന് മൂന്ന് ഗോളുകൾ പ്രീമിയർ ലീഗിൽ നേടിയിരുന്നു. മാഞ്ചസ്റ്റർ യുണൈറ്റഡിനെ രണ്ട് വിജയത്തിലേക്ക് നയിക്കാനും റാഷ്ഫോർഡിനായി. ഈ സീസണിൽ ഇത് രണ്ടാം തവണയാണ് റാഷ്ഫോർഡ് ഈ പുരസ്കാരം നേടുന്നത്. സെപ്റ്റംബർ മാസത്തിലും റാഷ്ഫോർഡ് ഈ പുരസ്കാരം നേടിയിരുന്നു.
ആഴ്സണലിന്റെ പരിശീലകൻ അർട്ടേറ്റ ജനുവരിയിലെ മികച്ച പരിശീലകനായും തിരഞ്ഞെടുക്കപ്പെട്ടു. അർട്ടേറ്റ ഈ സീസണിൽ ഇത് മൂന്നാം തവണയാണ് ഈ പുരസ്കാരം നേടുന്നത്. നേരത്തെ ഓഗസ്റ്റിലും ഡിസംബറിലും അർട്ടേറ്റ ഈ പുരസ്കാരം നേടിയിരുന്നു. അർട്ടേറ്റയുടെ ആഴ്സണൽ ആണ് ഇപ്പോഴും ലീഗിൽ ഒന്നാമത് ഉള്ളത്.