ഇംഗ്ലീഷ് പ്രീമിയർ ലീഗ് 2021/2022സീസണിലേക്കുള്ള മത്സര ക്രമങ്ങൾ പുറത്തുവിട്ടു. ഓഗസ്റ്റ് 14 നാണ് പുതിയ സീസൺ കിക്കോഫ്. മത്സര ക്രമം വന്നപ്പോൾ ആദ്യ ദിനം ചാംപ്യന്മാർക്ക് ടോട്ടൻഹാം ആണ് എതിരാളികൾ. കിരീട പോരാട്ടം ലക്ഷ്യം വെക്കുന്ന ചെൽസിക്ക് തുടക്കത്തിൽ തന്നെ വൻ മത്സരങ്ങളാണ് വരാനുള്ളത്.
മാഞ്ചസ്റ്റർ യുണൈറ്റഡിന് ലീഡ്സ് ആണ് ആദ്യ എതിരാളികൾ. ചെൽസിക്ക് ലണ്ടനിൽ നിന്ന് തന്നെ ക്രിസ്റ്റൽ പാലസ് ആണ്. ആഴ്സണലിന് പുതുമുഖങ്ങൾ ആയ ബ്രെന്റ്ഫോഡ് ആണ് എതിരാളികൾ. ലിവർപൂൾ നോർവിച്ചിനെയാണ് നേരിടുക. സീസണിലെ ആദ്യ മാഞ്ചസ്റ്റർ ഡർബി നടക്കുക നവംബർ 6 നാകും. സെപ്റ്റംബർ 25 നാകും ചെൽസി- മാഞ്ചസ്റ്റർ സിറ്റി മത്സരം നടക്കുക. ഒക്ടോബർ 23 ന് ലിവർപൂൾ – മാഞ്ചസ്റ്റർ യുണൈറ്റഡ് മത്സരവും നടക്കും.