മാഞ്ചസ്റ്റർ സിറ്റിയിലെ സഹതാരം ഫിൽ ഫോഡനെ പ്രശംസിച്ച് കെവിൻ ഡി ബ്രുയിനെ. ഈ തലമുറയിലെ ഏറ്റവും പ്രതിഭയിൽ ഒന്നാണ് ഫോഡൻ എന്ന് ഡി ബ്രുയിനെ പ്രശംസിച്ചു. ഈ സീസണിൽ പരിക്ക് കാരണം ഡി ബ്രുയിനെ പലപ്പോഴും പുറത്തായിരുന്നപ്പോൾ അദ്ദേഹത്തിന് പകരക്കാനായി ഗംഭീര പ്രകടനം നടത്താൻ ഫിൽ ഫോഡന് ആയിരുന്നു.
ഫോഡൻ സിറ്റിയിൽ തന്റെ പിൻഗാമിയാകും എന്ന് വിശ്വസിക്കുന്ന ഡി ബ്രുയിനെ ആധുനിക ഗെയിമിനെ നിർവചിക്കാനുള്ള കഴിവ് ഫോഡൻ ഉണ്ടെന്നും പറഞ്ഞു.
“ഞാൻ കളിച്ചിട്ടുള്ളതിൽ വച്ച് ഏറ്റവും മികച്ച പ്രതിഭകളിൽ ഒരാളാണ് ഫോഡൻ. അടുത്ത 15 വർഷത്തേക്ക് ഫുട്ബോൾ ചരിത്രം സൃഷ്ടിക്കാൻ അദ്ദേഹത്തിന് കഴിയും.” കെ ഡി ബി പറഞ്ഞു.