ഓഫ്സൈഡ് ഗോളുകൾ കൊണ്ട് ജയിക്കുന്നത് ക്ളോപ്പിന് ശീലം- പെല്ലെഗ്രിനി

- Advertisement -

ലിവർപൂളിനെതിരെ സമനിലക്ക് ശേഷം ലിവർപൂൾ പരിശീലകൻ യുർഗൻ ക്ളോപ്പിനെതിരെ രൂക്ഷ വിമർശനവുമായി വെസ്റ്റ് ഹാം പരിശീലകൻ മാനുവൽ പെല്ലെഗ്രിനി. ഓഫ്സൈഡ് ഗോളുകൾ കൊണ്ട് ജയിക്കുന്നത് ക്ളോപ്പിന് ശീലമുള്ള കാര്യമാണ് എന്നാണ് പെല്ലെഗ്രിനി അഭിപ്രായപ്പെട്ടത്. 1-1 ന്റെ സമനിലയിൽ അവസാനിച്ച മത്സരത്തിൽ ലിവർപൂൾ നേടിയ ഗോൾ ഓഫ് സൈഡ് ആയിരുന്നെങ്കിലും ലൈൻസ് മാൻ കാണാതെ പോയതോടെയാണ് ലിവർപൂൾ തോൽക്കാതെ രക്ഷപെട്ടത്.

2013 ൽ ഇരു പരിശീലകരും ഏറ്റു മുട്ടിയപ്പോൾ ഉള്ള സംഭവങ്ങൾ ഓർത്തെടുത്താണ് പെല്ലെഗ്രിനിയുടെ പ്രസ്താവന. അന്ന് ക്ളോപ് ഡോർട്ട്മുണ്ട് പരിശീലകനും പെല്ലെഗ്രിനി മലാഗ പരിശീലകനുമായിരുന്നു. ക്ളോപ്പിന് പരാതി പറയാൻ അവകാശമില്ല, അന്ന് ഡോർട്ട്മുണ്ട് 7 മീറ്റർ വിത്യാസമുള്ള ഓഫ് സൈഡ് ഗോളിലാണ് ജയിച്ചത് എന്നും അദ്ദേഹം കൂട്ടിച്ചേർത്തു.

സാഡിയോ മാനെ നേടിയ ഗോളിന് ലിവർപൂൾ ഇന്നലെ മുന്നിൽ എത്തിയിരുന്നെങ്കിലും അന്റോണിയോ വെസ്റ്റ് ഹാമിന്റെ മറുപടി ഗോൾ നേടുകയായിരുന്നു.

Advertisement