പാരീസ് ഇത്തവണ ചാമ്പ്യൻസ് ലീഗ് നേടുമെന്ന് സൂപ്പർ താരം നെയ്മർ. മികച്ച ടീമും ബുദ്ധിമാനായ പരിശീലകനും അതിന് സഹായിക്കും എന്ന ആത്മവിശ്വാസമാണ് നെയ്മർ ഒരു അഭിമുഖത്തിൽ പങ്ക് വച്ചത്.
കഴിഞ്ഞ മാസം പരിക്കേറ്റ നെയ്മർ നിലവിൽ ടീമിന് പുറത്താണ്. കൂടാതെ സ്‌ട്രൈക്കർ കവാനിയും പുറത്താണെങ്കിലും ഓൾഡ് ട്രാഫോഡിൽ യുണൈറ്റഡിനെ എതിരില്ലാത്ത 2 ഗോളുകൾക്ക് തകർത്ത പി എസ് ജി നോകൗട്ടിൽ ഇതോടെ വ്യക്തമായ ആധിപത്യം നേടി. ഇനി പാരീസിലെ സ്വന്തം മൈതാനാണ് രണ്ടാം പാദ മത്സരം എന്നത് അവരുടെ പ്രതീക്ഷ ഇരട്ടിയാക്കുന്നു.
ലീഗ് 1 ൽ വർഷങ്ങളായി വ്യക്തമായ ആധിപത്യം പുലർത്തുന്ന പി എസ് ജിക്ക് പക്ഷെ ചാമ്പ്യൻസ് ലീഗിൽ ഏറെ നാളായി മോശം നിലയാണ്. എംബപ്പേ അടക്കമുള്ള പ്രതിഭകൾ ഉള്ള ടീമിന് ഉത്തവണയും കാലിടറിയാൽ അത് ഏറെ വിമർശനങ്ങൾക്ക് വഴി വെക്കും എന്നുറപ്പാണ്.
